Është mbyllur me rezultatin 2-1 ndeshja e javës së katërt të Superligës për skuadrën e Egnatias, e cila triumfoi në shtëpi ndaj ekipit të Kastriotit.
Egnatia, e cila është ngritur këtë sezon në elitën e futbollit shqiptari, e mbylli në avantazh pjesën e parë të ndeshjes, duke shënuar golin e parë në minutën e 24-ë.
Ishte braziliani Pedro ai që depërtoi në portën e kundërshtarëve krutanë me anë të një penalltie dhe në këtë mënyrë Egnatia siguroi fitoren e fraksionit të parë.
Ndërsa më pas krutanët mundën që të barazonin rezultatet në minutën e 59 të këtij takimi me golin e Ajazit.
Ndeshja vazhdoi me barazim deri pothuajse afër përfundimit të saj, teksa do të duheshin minutat shtesë qe Pedro të dyfishonte rezultatin për ekipin e Rrogozhinës dhe për veten e tij.
Ndërkohë me këtë rezultat Kastrioti vazhdon të zhytet akoma me thellë me vetëm një pikë të marrë në katër takime./K.T/Gijotina.com
