Ka përfunduar pjesa e parë e ndeshjes ndërmjet skuadrës së Napolit dhe Lacios në stadiumin “Diego Armando Maradona”. Një sfidë e cila është dominuar totalisht nga vendasit të cilët realizuan plot tre gola. Zielinski hapi serinë e golave për skuadrën e Napolit në minutën e 7 të takimit. Më pas ishte Mertens tre minuta më vonë i cili dyfishoi rezultatin përpara se të shënonte edhe golin e tretë të sfidës.
Një dominim absolut nga skuadra e Napolit përballë Lacios që po pëson goditjen e radhës në kampionat pas asaj me Juventusin javën e kaluar. Në radhët e skuadrës së Lacios luan si titullar mbrojtësi i kombëtares, Elseid Hysaj teksa portieri Strakosha është në stolin e rezervave. Sa i përket Napolit, është konfirmuar sërish titullar mbrojtësi Rrahmani i cili i’a ka dalë me sukses të ul në stol Manolasin.
Discussion about this post