Është mbyllur protesta e banorëve të Rinasit, ndërsa ata paralajmërojnë se do të dalin sërish nesër në protestë. Për të tretën ditë radhë ata protestojnë që rruga të hapet siç ka qenë, pasi aktualisht është vetëm në një sens, ose në të kundërt do ti përshkallëzojnë ato. I pranishëm në protestë ka qenë edhe Kryeplaku i Rinasit, i cili tha se është mashtruar nga kreu i ARRSH-së se do gjendej një zgjidhje për situatën por kjo gjë nuk ka ndodhur. Ai nuk ka dhënë emra, se cilët persona i premtuan një zgjidhje, por tha se tashmë nuk pranojnë asnjë alternativë të ARRSH dhe mundësia e vetme është hapja e rrugës në të të dy senset. Ai tha se në ditët në vazhdim protesta do të përshkallëzohet dhe do të dalin në rrugë sëbashku me fëmijët dhe gratë.
“Deri në këto momente ka qenë shumë e qetë. E përshkruat me këmbë rrugën. Këtu janë mbi 60 familje. Kërkesa jonë është që ato fëmijë të shkojnë në shkollë me këtë rrugë. Nuk ka rrugë tjetër. Nëse hapet një rrugë alternative ne tërhiqemi dhe iu kërkojmë ndjesë të gjithëve. Nga të lëvizim ne? Ne kërkojmë që të funksionoje jeta normale, s’kërkojmë favor tjetër.
Protesta do të përshkallëzohet, do mblidhen edhe komunitetet e tjera, nga Tapiza, Preza. I bëj thirrje ashtu siç e dha urdhrin për ta bllokuar, ta zhbllokojë. Unë s’dua të merrem me emra të përveçëm. Më mashtruan dhe mora premtim që do gjendej zgjidhje. Nesër e në vazhdim e deri sa të hiqen tabelat. Nuk duam të hapim kutitë e votimit, po rrugën. Sot duam të hapin vetëm rrugën”, tha ai. Banorët kanë paralajmëruar se do të rikthehen sërish nesër, nëse nuk do të marrin asnjë zgjidhje nga autoritetet. Madje herën tjetër protesta do të jetë edhe më e madhe.
Discussion about this post