Shefi i kabinetit të Presidentes Vjosa Osmani, Blerim Vela, ka komentuar lidhur me ndodhitë e ditës së sotme, duke u shprehur se në Kosovë sot ishte një ditë e qetë pavarësisht kërcënimeve nga Serbia. Sipas reagimit zyrtar qëndrimi i Kosovës ishte parimor dhe ruajti paqen në rajon, duke dëshmuar sovranitet dhe integritet të territorit të këtij shteti.
“Përkundër kërcënimeve nga Serbia, ishte një ditë e qetë në Kosovë. Strukturat ilegale të Serbisë nuk arritën ta mbajnë referendumin. Kosova mbajti një qëndrim parimor që ruan paqen dhe stabilitetin rajonal duke ruajtur sovranitetin dhe integritetin e saj territorial”, shkroi ai.
Ditën e djeshme kuvendi i Kosovës miratoi rezolutën dhe kundërshtoi kërkesën e shtetit serb për mbajtjen e referendumit edhe në shtetin e Kosovës. Pas vendimit të qeverisë së Kosovës, serbët në këtë shtet udhëtuan drejt Serbisë për të ushtruar vullnetin e tyre. Ndërkohë më herët kryeministri Kurti propozi që ato të votonin përmes postës ose Zyrës Ndërlidhëse në Prishtinë.
Discussion about this post