Është mbyllur kampionati i Major League Soccer njohur si MLS dhe kampion është shpallur New York City, e cila ka debutuar në elitën më të lartë të futbollit në Amerikë në vitin 2015.
Kjo skuadër ka mposhtur Portland Timbers, fitore të cilën e mori falë gjuajtjeve të penalltive, ku “ruleta ruse” i buzëqeshi ekipit kampion.
Ndeshja në kohë të rregullt u mbyll me barazimin 1-1, teksa skuadra e teknikut Ronny Deila kaloi e para në avantazh falë golit të shënuar nga Castellanos, por kundërshtarët barazuan shifrat në minutat e fundit të kohës shtesë.
Në fund New York arriti të marrë fitoren dhe të shpallet kampion pas gjuajtjes së penalltive, falë pritjeve të portierit Johnson.
Moment historik ky, pasi kjo është hera e parë që kjo skuadër fiton titullin kampion , po ashtu edhe tekniku norvegjez Ronny Deila, që pas sukseseve në Norvegji me Stromsgodset dhe Skoci me Celtic, merr trofeun e parë në Amerikë./K.T/Gijotina.com
Discussion about this post