Përgjaken rrugët në ditët e para të 2022-it, 10 aksidente, 1 viktimë e 14 të lënduar

Ky vit i ri ka shënuar një bilanc shqetësues të aksidenteve rrugore në vend.

Në vetëm tre ditë janë raportuar 10 aksidente rrugore, ku të plagosur kanë mbetur 14 persona, mes tyre edhe një vajzë vetëm 5 vjeç, ndërsa viktimë mbeti një person.

Ky vit i ri ka shënuar një bilanc shqetësues të aksidenteve rrugore në vend.

Në vetëm tre ditë janë raportuar 10 aksidente rrugore, ku të plagosur kanë mbetur 14 persona, mes tyre edhe një vajzë vetëm 5 vjeç, ndërsa viktimë mbeti një person.

Dy ditë më parë, përkatësisht më datë 1 janar 2022, në Elbasan, një makinë përplasi 15-vjeçarin. I mituri nuk mori lëndime të shumta nga përplasja, duke mos iu rrezikuar jeta.

Më datë dy janë shënuar 4 aksidente

Në Lezhë. Në fshatin Rrile një automjet përfundoi në kanal pasi tentoi parakalimin e një tjetër makine.

Në Fushë-Krujë. Aksident i trefishtë ndodhi në aksin rrugor Fushë Krujë-Thumanë duke lënë të dëmtuar një prej pasagjereve e cila që ndodhej në automjetin që drejtonte personi me inicialet P. GJ.

Në Lushnje. Në kryqëzimin e Savrës mbetën të lënduar tre persona, pas përplasjes së dy makinave.

Në Vlorë. Në aksin Vlorë-Fier, pranë mbikalimit të Novoselës një mjet i llojit “Mercedez Benz” ka ecur mbrapsht dhe është përplasur nga një tjetër makinë. Një mjet i tretë ka devijuar për të shmangur përplasjen me dy makinat e aksidentuara dhe ka përfunduar jashtë rruge. E plagosur mbeti një grua.

Më datë 3 janë shënuar 4 aksidente

Në Sarandë. Një 40-vjeçar humbi kontrollin e makinës e për pasojë dali nga rruga. Nga aksidenti ka mbetur e plagosur bashkëshortja e tij, 37-vjeçarja dhe vajza e tyre vetëm 5 vjeçe.

Në Durrës. Në lagjen Nr.13, dy persona kanë mbetur të lënduar pas përplasjes së automjeteve. Të lënduarit janë dërguar në spital aty ku ndodhen nën kujdesin e mjekëve.

Dy aksidente në Bulqizë. Në aksin rrugor Bulqizë-Fushë Bulqizë në vendin e quajtur “Pishat” një makina tip “ Fuoristradë” dhe një tjetër tip “Suzuki” kanë dalë nga rruga.

Në Dibër. Një person ndërroi jetë pas aksidentit të ndodhur në Peshkopi-Maqellarë ditën e sotme. Në orën 11:30, doli nga rruga mjeti tip “Volkswagen Pasat”, dhe për pasojë ka humbur jetën personi me inicialet E. H., si dhe kanë mbetur të lënduar dhe pasagjerët që udhëtonin në automjet P. H., D. H., dhe A. H., të cilët janë transportuar për ndihmë mjekësore në spital.