Bosi i drogës Elvis Demçe po organizonte ekzekutimin e sipërmarrësit Tonino Lucianin dhe partnerin e tij, të cilët kishin interesa në kompani ndërtimi, skela dhe në klubin e futbollit Cavese. Dhe këtë e kishin menduar ta bënin pikërisht duke sulmuar shtëpinë e tij me një armë bazuka.
Porositë e bosit shqiptar të drogës Elvis Demçes, banda e të cilit u shpartallua janarin e kaluar nga prokuroria e Romës duken si urdhrat e një gjenerali që do sulmoj një ushtri pasi bazuka hyn tek armatimet e rënda që përdoret në zona konflikti ushtarak. Bisedat e deshifruara nga aplikacioni që kriminelët përdornin për ti shpëtuar veshit të policisë, Sky Etc, zbulojnë se të dyshuarit donin të vrisnin sipërmarrësin e fuqishëm italian Tonino Lucianin që kishte interesa në kompani ndërtimi, skela dhe në klubin e futbollit Cavese. Dhe këtë e kishin menduar ta bënin pikërisht duke sulmuar shtëpinë e tij me një armë bazuka. Në objektiv ishte gjithashtu edhe goditja e partnerit të tij Ariosto Pasquazzi.
“Po kur do t’ia japim goditjen këtyre të padenjëve?” pyet Demçe një nga ‘togerët’ e tij, Francesco “Bigis” Bastianelli, duke i nisur në chat foton e viktimave të tyre, sipërmarrësve me interes në kompanitë e ndërtimit, skela dhe investitorë në klubin e futbollit Cavese.
Në janar 2021 ata bisedojnë: “O vlla, shkoji gjeji emrin dhe mbiemrin… që t’i marrim familjen dhe ta bëjmë të bindet”.
Fjalët janë të vetë Shefit Elvis Demçe. Qellimi është i qartë: “Duhet t’u heqim të paktën 500 mijë euro atyre dy spiunëve’”. Muajin pasardhës Demçe e informon Bastianellin për ngarkesën e armëve që ka kryer nga furnitorët kalabrezë dhe shton se të nesërmen do të mbërrijnë dhe do të jenë në dispozicion të organizatës së tyre”. Në fotot që shkëmbejnë mes tyre kriminelët janë armë të tilla si M16, Ak47 dhe pistoleta. Ndër armët është edhe “një bazukë për t’u përdorur kundër shtëpisë së Lucianit”. Shefi jep urdhrin për mallin që do të blihet. Dhe ortaku i përgjigjet: “Nesër më sjellin të tjera armë por dhe bazukën” dhe me bazukën tashmë gjithçka është gati. Një “fshatar” ka kryer edhe “inspektime për të parë se kush ndodhet brenda pronës, objektiv për tu goditur.
Por njëri nga të dyshuarit vendos t’i japë një paralajmërim të fundit Lucianëve: “Ishin në një lokal, që ndalova, piva kafe, ata më përshëndetën dhe menjëherë unë u thashë: duhet ti gjejmë një zgjidhje kësaj çështjeje”, tregon ai në chat-in, e zbuluar nga autoritetet.
“Jo luftë, ne e kemi respektuar njëri-tjetrin … ju na keni respektuar gjithmonë edhe pse keni shkuar te dy djemtë tanë të vegjël dhe keni thënë e kërkuar.”.
Dhe viktimat të frikësuara janë përgjigjur: “Ndoshta jemi shprehur keq ose e kemi keqkuptuar … gjithmonë pa dashur të tregojmë mos respekt”.
Discussion about this post