Kryeministri britanik Boris Johnson, ka dhënë dritën jeshile për lejimin e festave në natën e Vitit të Ri. Ai u shpreh se të gjithë duhet ta shijojnë këtë festë, pavarësisht se ka një përhapje të mutacionit të ri të Covid, Omicron.
Megjithatë ai ka kërkuar që qytetarët të tregohen të ndërgjegjshëm dhe të respektojnë masat kundër koronavirusit, për të mbrojtur veten dhe familjet e tyre.
Ai ka folur për situatën epidemiologjike, duke theksuar se varianti i ri edhe pse ka një transmetueshmëri shumë të lartë, të dhënat kanë treguar se nuk është i rrezikshëm sa varianti Delta.
“Masat e marra të deritanishme dhe efektet e tyre kanë treguar se Anglia aktualisht nuk ka nevojë për kufizime të reja për Covid. Dua të theksoj se 90% e pacientëve që janë të shtruar në spitale në kujdes intensiv, nuk kishin marrë dozën shtesë”, është shprehur ai.
Kujtojmë se kryeministri britanik është kritikuar për qëndrimin e tij ndaj pandemisë. Po ashtu, shkencëtarë, deputetë apo edhe drejtues biznesesh janë bërë bashkë duke i kërkuar atij që të ndjekë shembullin e SHBA.
Discussion about this post