Ish-kryeministri Sali Berisha nuk do të jetë më pjesë e grupit të Partisë Demokratike. Vendimi i papritur u bë publik mbrëmjen e sotme nga kreu i PD, Lulzim Basha.
Basha tha se Partia Demokratike është partia më pro-amerikane dhe më pro-europiane dhe ky vendim do të shmang keqpërdorimin e çështjes nga kushdo, për të dëmtuar interesin e demokratëve dhe Partisë Demokratike, dhe do i hiqte alibinë cilitdo për të mbrojtur të keqen e vetme të Shqipërisë që është keqqeverisja dhe korrupsioni 8 vjeçar i Edi Ramës.
Por disa ditë më parë, në një intervistë për mediat, Sali Berisha u pyet se çfarë qëndrimi do të mbante nëse PD merrte një vendim për largimin e tij. Në përgjigjen e tij ndaj pyetjes, ai tha se çdo vendim aparimor, Berisha do të bënte gjithçka që PD të bëhej ajo që ka qenë.
“Nëse PD apo kushdo tjetër do ndërmerrte një vendim aparimor, Sali Berisha do bënte gjithçka që PD të bëhej ajo që ka qenë, parti e parimeve. Asnjë lloj kufizimi nuk mund të kem unë në kuadrin ligjor kushtetues për rikthimin e PD në vlerat për të cilat është reformuar”, tha Sali Berisha.
Pra nën-tektsi ishte i qartë, ai nuk do të rrijë duarkryq nëse Basha e sakrifikon për t’i bërë qefin amerikanëve. Vendimi i sotshëm siç duket pritet të sjell një “luftë” mes PD dhe Berishës.
Kjo duket edhe nga fakti se, ish-kryeministri ka reaguar menjëherë pas deklaratës së kryetarit Basha për largimin e tij, duke njoftuar një intervistë televizive tek “Çim Peka LIVE” në Syri TV, televizon i cili konsiderohet se është nën urdhrat e familjes Berisha dhe ku pritet të japë qëndrimin e tij ndaj këtij vendimi.
