Mediat greke i kanë dhënë bujë lajmin për përjashtimin e Sali Berishës nga grupi parlamentar i Partisë Demokratike. Portalet më në zë kanë analizuar situatën në Shqipëri, ndërkohë që e cilësojnë si “prerje koke” lëvizjen e bërë nga kryedemokrati Lulzim Basha.
“Mediat dhe politikanët shqiptarë nuk e kanë fshehur faktin se vendimi i Bahës për të dëbuar Berishën nga grupi parlamentar i partisë së tij, njeriu që e promovoi në drejtimin e Partisë Demokratike në vitin 2013, është rezultat i presionit të SHBA. Në Partinë Demokratike, një stuhi reagimesh pro dhe kundër vendimit të Basia ka shpërthyer që dje, të enjten. Lidhur me rolin e aktorëve perëndimorë në jetën politike të vendit, veçanërisht SHBA, opinionet janë të ndara në diskursin publik në vend,”-shkruajnë mediat.
Mbrëmjen e djeshme, Lulzim Basha njoftoi se me një vendim të tijin personal ka vendosur përjashtimin nga grupi parlamentar të ish-kryeministrit Sali Berisha. Vendimi sipas Bashës është personal ndërsa theksoi se është në fuqi deri në përfundimin e procesit gjyqësor që vetë Berisha ka hapur kundër sekretarit amerikan të shtetit, Anthony Blinken. Ish-kryeministri Sali Berisha kundërshtoi vendimin që e quajti ‘nul’ ndërsa e akuzoi Bashën se ka dorëzuar sovranitetin e PD pasi ka rënë pre e kërcënimeve.
