Vatra e zjarrit në Panaja të Vlorës ka dalë jashtë kontrollit.
Zjarri ka bllokuar rrugën e vjetër nacionale Vlorë-Fier, duke kaluar edhe në anën tjetër. Siç shihet në foto zjarri ka dalë dhe në rrugë, duke detyruar mjetet që të kalojnë përmes flakëve. Nëse flakët përhapen me këtë shpejtësi, rrezikohet fshati Bestrovë, që ndodhet vetëm 2 kilometra larg vatrës së zjarrit.
Pranë zonës është dëgjuar një shpërthim i cili dyshohet së mund të jetë municion i vjetër ushtarak.
Për shkak të terrenit të vështirë nuk mundet që të bëhet ndërhyrja me forca zjarrfikëse. Aktualisht kërkohet ndihmë nga ajri, për të shuar flakët me helikopter.
