Zjarri i cili u shfaq rreth 2 javë më parë në afërsi të liqenit të luleve në Lurë ka marrë përmasa të mëdha teksa ka kaluar deri në Zall Gjoçaj.
Flakët kanë përshkuar deti tani dhjetëra hektar pyje me pishë të zezë, ah e bimësi tjetër.
Flakët janë zhvendosur deri në Zall Gjoçaj ku rrezikojnë të djegin stanet e verimit të bagëtisë së imtë, gjedhëve dhe mbi 100 koshere bletësh.
Era e fortë dhe terreni i thyer malor kanë qenë në disfavor të grupeve të angazhuara për fikjen e zjarrit.
Duke qenë se në zonë ndodhen liqenet e Lurës por në distancë të vogël edhe ato të malit të Balgjajt ndërhyrja me helikopter nga ajri mund të jetë efektive në mënyrë që të mos rritet dëmi ekonomik në Parkun Kombëtar “Lurë mali Dejës” por që deri më tani kjo masë nuk është marrë nga autoritetet vendore.
Discussion about this post