Kandidat për kancelar i Socialdemokratëve, Olaf Scholz, ka bërë një koment të bujshëm gjatë një interviste radiofonike, ku ai është shprehur se gjermanët po përdoren si kavie për vaksinat.
“50 milionë janë vaksinuar dy herë deri më tani. Ne të gjithë ishim kaviet për ata që kanë pritur të vaksinohen. Prandaj po e them si një prej atyre 50 milionëve, që gjërat kanë shkuar mirë. Prandaj merrni pjesë”, tha ai.
Komenti i tij nuk është pritur mirë jo vetëm nga kundërshtarët, por edhe brenda partisë së tij.
“Njerëzit nuk janë kavie në këtë vend,” tha kandidati i Kancelarit të Unionit Armin Laschet.
“Një zgjedhje e tillë e fjalëve është një model i pjerrët për ata që duan të minojnë besimin me gjysmë të vërteta dhe gënjeshtra,” tha Ministri i Shëndetësisë Jens Spahn.
Deklaratat e Scholz vijnë në kohën kur ekziston skepticizëm ndaj vaksinës anti-Covid. Disa vende kanë nisur vaksinimin e personave për herë të tretë, kurse Izraeli si vend pararojë thotë se mund të nisë edhe vaksinimin për herë të katërt.
