Vllaznia e mbyll në avantazh pjesën e parë ndaj Dinamos. Shkodranët përmbysën gjithçka në 45 minutat e para në “Loro Boriçi”. Ishin miqtë ata që shënuan të parët me anë të kapitenit Ibraimi i cili realizoi me portën e boshatisur duke heshtur vendasit. Më pas Vllaznia u vendos në kërkim të golit të barazimit dhe e gjeti me mbrojtësin Dianje i cili i shpëtoi mbulimit të mbrojtjes së miqve. Skuadrat luajnë në sulm dhe lënë shumë hapësira pas.
Nga kjo përfiton Vllaznia që zbret shpejt me një kundërsulm në minutën e 35 të ndeshjes. Latifi gjen të lirë sulmuesin Gjurgjeviç i cili mposht me mjeshtëri portierin Harizaj dhe dërgon shifrat në 2-1. Një ndeshje mjaft e bukur gjatë 45 minutave të para ku skuadrat kanë luajtur në sulm pa u kujdesuar shumë për fazën mbrojtëse.
