Përmbytet burgu i Durrësit ku ndodhet Veliaj dhe Beqaj, uji hyn në 8 qeli

Situatë kritike paraqitet në Burgun e Durrësit për shkak të motit të keq ku është regjistruar prezencë uji brenda ambienteve të institucionit.

Raportohet se 8 qeli janë përmbytur, ndërsa autoritetet kanë marrë masat për të ngjitur të burgosurit në katet e sipërme të objektit.

Ende nuk ka njoftime zyrtare për dëme të tjera ose për evakuime të mëtejshme, ndërsa situata po monitorohet nga autoritetet lokale dhe shërbimet emergjente.

Kujtojmë se në burgun e Durrësit mbahet edhe kryebashkiaku i arrestuar i Tiranës, Erion Veliaj dhe ish-ministri i Shendetesise, Ilir Beqaj.