Stuhia e ardhur nga jugu, po shkakton përmbytje kolosale në pjesë të ndryshme të Sicilisë, në Itali, duke bërë që situata të përkeqësohet akoma edhe më shumë. Shkollat në shumë qytete janë mbyllur si masë paraprake për ditën e nesërme.
Sipas autoriteteve, cikloni së shpejti pritet të lëvizë drejt jugut, ndaj edhe në qytetet e tjera kanë filluar të merren masa paraprake.
Shiu pa u ndalur ka rënë më shumë në zonën e Catanias duke përmbytur rrugët. Pantelleria, në zonën e Trapanese, është goditur gjithashtu nga stuhia e fortë, me shi dhe erë, e cila ka shndërruar rrugët e rretheve në lumenj, duke shkaktuar shqetësim të madh te banorët. Kjo zonë ishte goditur më 11 shtator nga një stuhi që kishte shkaktuar 2 vdekje dhe 9 të plagosur.
