Qyteti i Kukësit është zgjuar sot i përmbytur, për shkak të reshjeve të dendura të shiut që kanë rënë gjatë natës. ARRSH njofton se për pasojë ka probleme në lëvizjen e këmbësorëve dhe mjeteve, ndërsa uji po vërshon edhe në rrugët kryesore e të brendshme të qytetit.
Po ashtu probleme janë shfaqur edhe në rrugët nacionale nga rrëshqitja e dherave dhe gurëve. Prej tre ditësh Kukësi është përfshirë nga reshje të dendura shiu, duke sjellë probleme në qytet.
ARRSH bënë me dije se po punojnë për të larguar inertet dhe ujin nga rrugët kryesore, por situata është e vështirë pasi në këtë zonë vazhdon të ketë akoma reshje dhe situata paraqitet e tillë edhe për dy ditët në vazhdim. Nga ana tjetër Banorët apelojnë që të ndërhyjnë sa më parë autoritet pasi shumë prej tyre rrezikojnë që uji t’u futet në banesë apo ambientet e bizneseve.
E.H/ gijotina.com/
