Në disa shkolla të vendit, për shkak të përmbytjeve nuk do të zhvillohet procesi mësimor. Lajmin e ka bërë të ditur ministrja e Arsimit, Evis Kushi. Në disa shkolla të vendit, për shkak të përmbytjeve nuk do të zhvillohet procesi mësimor. Lajmin e ka bërë të ditur ministrja e Arsimit, Evis Kushi.
“ Të dashur nxënës, mësues dhe prindër,
Po ndjekim me kujdes situatën e krijuar në Qarkun e Vlorës dhe atë të Fierit nga reshjet e dendura të ditëve të fundit, të cilat kanë shkaktuar daljen nga shtrati të lumenjve dhe përmbytje në disa zona rreth tyre.
Zyrat vendore arsimore parauniversitare në bashkëpunim me shtabet përkatëse të emergjencave civile po ndjekin nga afër situatën e krijuar edhe në shkollat që ndodhen në këto zona.
Për të shmangur çdo lloj rreziku, Ministria e Arsimit dhe Sportit vendosi që mësimi të mos zhvillohet në shkollat e mëposhtme, deri në përmirësimin e situatës: Gjimnazi “Hajredin Beqari”, Selenicë Shkolla 9-vjeçare “Todi Koceli”, Selenicë, Shkolla vartëse e arsimit fillor “Sile Hoxha”, Rromës, Shkolla 9-vjeçare “Sabri Pelivani”, Karbunarë, Shkolla 9- vjeçare vartëse “Thoma Sema”, fshati Ferras.
Do t’ju lutesha që të bënit sa më shumë kujdes gjatë lëvizjeve tuaja deri në përmirësimin e situatës në zonat e përmbytura”- ka shkuar Kushi në rrjetin social Facebook.
Discussion about this post