Real Betis ka vazhduar rrugëtimin pozitiv në La Liga me fitoren e pastër ndaj Real Sociedad të Adnan Januzajt. Andaluzianët shënuan plot katër gola, për të mbajtur vendin e tretë në renditje me 33 pikë.
Seria e golave nisi në pjesën e parë me Morenon, ndërsa rezultati u dyfishua në minutën e 67-të nga Junami. Fekir kaloi në avantazh të trefishtë të besuarit e Manuel Pellegrinit, ndërsa Moreno i vuri vulën përfundimtare ndeshjes, duke e mbyllur me dopietë.
Januzaj e nisi ndeshjen nga stoli dhe u aktivizua në minutën e 62-të në vend të portu. Me këtë rezultat Sociedad mban vendin e pestë në renditjen e La Liga, me 29 pikë, po aq sa Atletico që do të luajë pas pak kundër Real Madrid.
Discussion about this post