Imazhet satelitore kanë treguar nivelin e lartë të shkatërrimit në qytetin e Dernas në Libi pasi ujërat e përmbytjeve morën para ura, rrugë dhe komunitete, duke lënë mijëra njerëz të zhdukur ose të vdekur.
Reshjet e dendura të shiut që erdhën nga stuhia Daniel pak ditë më parë sollën shpërthimin e dy digave në shtratin e lumit Wadi Derna që kalon nëpër qytet.
Përrenjtë e ujit dhe mbeturinave shkatërruan blloqe banesash shumëkatëshe, ndërtesa qeveritare dhe një xhami të madhe, sipas BBC.
Më shumë se 5000 njërëz kanë humbur jetën dhë 10 000 të tjerë raportohen të zhdukur pasi reshjet e dendura të shiut shkaktuan shembjen e dy digave, duke shtuar më shumë ujë në zonat tashmë të përmbytura.
“Të paktën 5 300 njerëz mendohen të vdekur”, është shprehur të martën ministria e brendshme e qeverisë lindore të Libisë. “Në qytetin lindor të Dernas, i cili ka përjetuar edhe humbjet më të mëdha janë raportuar të zhdukur rreth 6,000 njerëz”, tha Othman Abduljalil, ministër i shëndetësisë në administratën lindore të Libisë. Ai e quajti situatën “katastrofike”, kur vizitoi qytetin të hënën. Sipas autoriteteve vendase lagje të tëra në qytet janë ende në pushtetin e ujit.
Discussion about this post