Riaktivizohen flakët në pallatin te ish-parku i Autobusëve. Detajet

Riaktivizohen flakët e zjarrit në pallatin e zonës së ish-Parkut të Autobusëve në Tiranë.

E ndërsa në vendin e ngjarjes janë shtuar ekipet zjarrfikëse që po mundohen të rishuajnë flakët, një prej punonjësve zjarrfikës ka pasur probleme shëndetësore të shkaktuara nga asfiksia.

Ndërkohë raportohet se kanë shpërthyer disa bombula gazi në apartamente të ndryshme, duke shkaktuar dëme të shumta në apartamentet. Raportohet se pallati në fjalë është ndërtim i vitit të fundit.

Disa kate të pallatit u përfshinë nga flakët, ndërsa më e dëmtuar është fasada e pallatit, e cila ka filluar të bjerë, sipas raportimeve të fundit.

Raportohet se nga flakët janë përfshirë nga kati i 5 deri në atë të 9-in.

Zjarri në pallatin shumëkatësh nisi në katin e fundit, por u përhap në disa kate.

Sipas të dhënave të para dyshohet se shkak për zjarrin ishte një shkëndijë elektrike, por flakët janë përhapur për shkak të ndërhyrjes me vonesë të zjarrfikësve, por edhe lëndës polesterol që është përdorur në fasadën e pallatit.