Gjyqtari i Ravenës, Andrea Galanti, ka vendosur që dy bashkëshortët me origjinë shqiptare të arrestuar mëngjesin e së dielës nga policia në Fornace Zarattini, një fshat afër kryeqytetit, duhet të qëndrojnë në paraburgim.
Çifti shqiptar akuzohet se i kanë vjedhur 5.500 euro një çifti të moshuarish mbi shtatëdhjetë vjeç, të cilët u përmbytën nga shirat. Sipas gjyqtarit, aksioni i tyre i plaçkitjes ishte “i paskrupullt” dhe se ata shfrytëzuan një “emergjencë kolektive për qëllime të mbrapshta”.
Dy bashkëshortët me origjinë shqiptare ndodhen aktualisht në burg, ai në Ravenna dhe ajo në Bolonja, të arrestuar nga policia të dielën në Fornace Zarattini në kuadër të një grabitjeje. Bëhet fjalë për një hidraulik 40-vjeçar me nënshtetësi italiane dhe bashkëshorten e tij 33-vjeçare, që të dy shqiptarë. Ata duhet të përgjigjen për vjedhjen, duke përfituar nga rrethanat, skenar i cili nëse shpallen fajtorë do t’i çonte në dënime nga 5 deri në 10 vjet burgim.
Sipas policisë dhe prokurores Angela Scorza, dy shqiptarët pasi u përzien me vullnetarët e tjerë me lopata, për të larguar ujin dhe baltën nga shtëpitë në Fornace, ata grabitën pothuajse 5.500 euro të mbajtura në çantën e njërit prej dy të moshuarve. Paratë u gjetën nga agjentët e policisë dhe iu kthyen pronarëve të ligjshëm.
Discussion about this post