Shërbimi i Çështjeve të Brendshme të Ankesave ka dhënë informacione lidhur me aksionin e zhvilluar në Përmet, ku u sekuestruan sasi të mëdha kanabisi dhe u vunë në pranga zyrtarë të Policisë.
Hetimet policore kanë zgjatur më shumë së pesë muaj për të zbuluar parcelat e mbjella në zonën e fshatit Zavalan të Përmetit.Pas hetimeve të kryera shefi i Komisariatit të Përmetit, Petrit Gjokaza është pezulluar nga detyra dhe në vend të tij është komanduar Vilson Dine.
Ish-shefi i krimeve të Komisariatit të përmetit, Shpëtim Makashi, po mbahet në masën e sigurisë “Arrëst në shtëpi”, ndërsa inspektorët Dhimitër Shyti dhe Maltin Dalilaj, po ashtu janë pezulluar nga detyra.Me të njëjtën masë sigurie është lënë nga Prokuroria e Përmetit dhe inspektori i Zonave të Mbrojtura, Joan Allamani. Ndërsa kryeplaku i fshatit Frashër, Klodjan Mustafa është arrestuar.
