Përplaset furgoni me nxënës në Tiranë, 13 të lënduar në spital

Një aksident i rëndë ka ndodhur në zonë e Yzberishtit në kryeqytet, ku mësohet se një furgon me nxënës shkolle është përplasur me një makine.

Sipas policisë, ngjarja ka ndodhur rreth orës 13:40, ku mjeti fugon që transportonte disa nxënës shkolle me drejtues personin me iniciale A. H është përplasur me një mjet tjetër.

Si pasojë e përplasjes, janë lënduar 13 nxënës dhe një mësuese, të cilët ndodhen në spital jashtë rrezikut për jetën. Nga të dhënat paraprake, mësohet se fëmijët dhe mësuesja nuk kanë marrë plagë të dukshme por janë dërguar për kontroll.