Debate të forta kanë nisur në Komisionin për Çështjet Ligjore, ku janë përfshirë në një argument Gazment Bardhi dhe zëvendës ministri i Energjisë, Ilir Bejtja.
Gjatë fjalës së tij zëvendës ministri i Energjise, Ilir Bejtja ka diskutuar me deputetin Gazment Bardhi , ndërsa i është drejtuar se në Elbasan një njeri ka mbetur i vdekur për shkak të tij.
Gjendja ka agravuar dhe Bardhi ka kërkuar që Bejtja të dalë jashtë mbledhjes, ndërkohë që e quan hajdut.
Bejtja-Bardhi: Ke vrare një njeri në Elbasan
Bardhi-Bejtjes: Ik more hajdut, dil përjashta
Pas debateve të forta, u vendos të ndërpritet mbledhja për të qetësuar gjakrat.
Në Shqipëri, Pjerin Xhuvani, 56 vjeç, i cili mendohet se është angazhuar në mbështetje të fushatës e Partisë socialiste mbeti i vrarë në qytetin e Elbasanit, më 21 prill 2021.
Në pranga u vendos autori i dyshuar i vrasjes, Arbër Papleka, i angazhuar në fushatën e Partisë Demokratike.
Xhuvani nisi të afrohej me Partinë Socialiste, ku për shkak të peshës së tij elektorale, krijoi shqetësim tek PD dhe LSI. Ditën e Verës, në 14 mars 2021, 56-vjeçari Pjerin Xhuvani, ishte një nga personat e akuzuar nga Partia Demokratike për përplasjen që ndodhi në këtë qytet, mes militantëve të të dy kampeve. Gazment Bardhi e akuzoi si një ndër organizatorët e përplasjeve, por mësohet se Xhuvani është futur në turmë pasi aty ishte edhe dhëndri i tij.
