Një ditë pas arratisjes, Renis Selimaj, 35-vjeç është arrestuar nga policia pasi akuzohet si bashkëpunëtor në plagosjen e ndodhur një natë më parë në zonën e ish-bllokut në kryeqytet.
Policia njofton se bashkë me Kridens Meçollarin, 38 vjeç i arrestuar një ditë më parë, Selimaj ka plagosur 31-vjeçarin Ilir Shkurti pas një sherri për motive banale.
Selimaj do të përballet me akuzën për veprën penale “Moskallëzim i krimit” dhe “Përkrahja e autorit në krim”.
Ngjarja ndodhi në bulevardin “Bajram Curri” tek “Shallvaret” ku mbeti i plagosur me armë zjarri i riu me iniciale I. Sh dhe u vu në pranga menjëherë pas ngjarjes si autor i dyshuar personi i identifikuar me iniciale K. M, 38 vjeç.
Ngjarje ka ndodhur si pasojë e një konflikti për motive të dobëta.
Megjithatë pritet të zbardhen detaje të reja pas marrjes në pyetje të të arrestuarve. Ndërsa materialet procedurale i kaluan Prokurorisë Pranë Gjykatës së Shkallës së Parë Tiranë për veprime të mëtejshme.
Discussion about this post