Përplasja me armë në Shkodër, komshinjtë bënë sherr dhe hapën zjarr ndaj njeri-tjetrit

Një konflikt i momentit mund të kishte përfunduar tragjikisht mbrëmjen e sotme në Shkodër pasi dy të rinj hapën zjarr ndaj njeri-tjetrit.

Bëhet fjalë për ngjarjen e ndodhur disa orë më parë në lagjen “Skënderbeg”, ku sherri mes komshinjve, Sadet Sala dhe Armando Ndreu ka agravuar në përdorimin e armëe të zjarrit.

32 vjeçari Armando Ndreu qëlloi me breshëri plumbash drejt furrës së bukës në pronësi të Salës në gjendje të dehur.

Sherri mes tyre ka ndodhur 2 orë përpara se të qëllonte me armë drejt furrë së bukës. Pa motiv konkret, zanafilla e sherrit mes tyre ka qenë përmes fjalëve.

Më pas autori Ndreu ka shkuar në apartamentin e tij në katin e shtatë ka marrë kallashnikovin. Pasi ka zbritur poshtë, në katin e parë ku ndodhet furra e bukës, autori ka qëlluar me breshëri drejt saj.

Policia ka ngritur grupe kontrolli në zonë për kapjen e Armando Ndreut.