Vijon përplasja dhe akuzat mes ish-Kryeministrit Sali Berisha dhe gazetarit Artan Hoxha. E ndërsa Berisha në një prej konferencave për mediat, e quajti gazetarin një anëtar të njohur të bandës së Bajrave, Hoxha nga emisioni “Të Paekspozuarit” tha se po sulmohet me stil tipik mafioz.
Akuza e Berishës ndaj gazetarit erdhi pasi Hoxha tha se ish kryeministri i druhet një goditje nga SPAK të njerëzve shumë pranë tij dhe foli për një kullë dhjetëra milionë euro e cila lidhet edhe me këta persona.
Hoxha mbrëmjen e sotme tha se Berisha po tenton ta “vrasë me duart e të tjerëve”.
“Berisha më ka quajtur “hjeksi i një djali”, përmendi një djalë, një rast që unë e kam denoncuar dhe PD ka deklarata zyrtare për denoncimin tim.
Është kanabizimi i Shqipërisë në 2015. Çfarë ndodhi, katër muaj më mbrapa ky personi u ekzkutua, në 19 dhjetor, Jani Kollcinaku, është rrëmbyer, është torturuar dhe goditur me dy plumba pas koke. Tani këtë rast Sali Berisha, çfarë ka bërë? Këtë ngjarje, pasi ka bërë debat me mua, e ka kthyer dhe ka thënë që këtë person e ka dekonspiruar Artan Hoxha, ndërkohë unë me familjen e tij kemi bërë të gjithë përpjekjet për të zbuluar kush e vrau.
Berisha nuk ka as kurajon të të vrasë me ato grupet komando, por do të të vrasë me dorën e të tjerëve. Nuk është hera e parë që ma ka bërë. Akti më burracak është kjo, që do të të vrasë me duart e të tjerëve.
Pse i dogji ajo që thashë unë? Ne e kemi patur Bardh Spahinë në studio dhe unë i kam thënë që bandat në Shkodër po ndikojnë. Dhe doli siç i thamë ne, që krimi i organizuar është i përfshirë dhe është me mazhorancën.
Në zgjedhjet e vitit 2021, Bajrët janë të filmuar dhe dokumentuar, mjetet e blinduara të Behar Bajrit, kanë qenë në fushatë me flamujt e Partisë Demokratike. Kjo nuk do të thotë që PD është anëtar i Bajrave. Pse e bën Berishë këtë? Denoncon vetëm njërën palë, jo tjetrën. Gjuha që përdor Berisha, është gjuha e bandës rivale të Bajrave”, tha Hoxha.
Discussion about this post