Pas një konflikti mes tre të dënuarve me burgim të përjetshëm gjatë ajrimit në Burgun e Peqinit, Sokol Mjacaj ka qëlluar me armë zjarri, Arben Lleshin, i cili ka ndërruar jetë rrugës për në spital dhe ka plagosur në këmbë, Indrit Shaqen.
Sipas News 24, dyshohet se gjithçka qenë e mirëmenduar nga organizatori, Sokol Mjacaj dhe se arma mund të jetë futur me dron në ambientet e burgut.
Kush është i plagosuri Indrit Shaqja?
Indrit Shaqja, akuzohet për grabitjen me pasojën vdekjen e dy të moshuarave Gjinovefa dhe Elsa Vava më 2 shtator të vitit 2014 në Durrës.
Pas ngjarjes, Shaqja u shpall në kërkim ndërkombëtar dhe u arrestuar në tetor të vitit 2014 nga Interpoli në Barcelonë të Spanjës.
Zbulimi i grabitjes me pasojë vdekjen
Pak ditë pas vrasjes së dy kunatave, Elsa dhe Gjinovefa Vava, policia e Durrësit bëri të mundur zbulimin e autorëve të ngjarjes. Në një aksion të mirorganizuar, efektivët e krimeve të rënda bënë të mundur arrestimin e Edison Elmazit dhe Artur Kaçanollit, ndërsa shpallën në kërkim Indrit Shaqjen, i cili kish mundur të largohej në drejtim të paditur.
Krahas përpjekjeve të shumta të policisë së Durrësit nuk u bë e mundur gjetja e vendndodhjes së 41-vjeçarit që ishte arratisur së bashku me 400 mijë lekët dhe bizhuteritë e grabitura në banesën dykatëshe të kunatave Vava. Në këto kushte, policia vë në zbatim planin B, i cili konsistonte në mbajtjen nën përgjim të familjarëve të 41-vjeçarit me banim në Shijak të Durrësit, me qëllim për të mësuar mbi vendndodhjen e tij. Pas disa ditësh pritje ka ndodhur ajo që mendohej, Shaqja lajmëron familjarët se ndodhej në Barcelonë të Spanjës shëndoshë e mirë. Ka mjaftuar kaq.
Policia e Durrësit kërkon ndihmën e Interpol Tiranës. Ky i fundit nis menjëherë korrespondencat me Interpol Madridin, duke i dërguar të gjitha të dhënat si dhe foto me gjeneralitetet përkatëse të shtetasit Indrit Shaqja. Pak ditë pas ngjarjes ku mbetën të vrara dy kunatat e moshuara dhe me ndihmën e parave dhe sendeve me vlerë të grabitura në shtëpinë e tyre, 41-vjeçari largohet nga Shqipëria nëpërmjet kufirit tokësor Shqipëri-Greqi.
Në harkun e pak ditëve zbarkon në Barcelonë të Spanjës te disa të afërm të tij, ku dhe u arrestua nga autoritetet spanjolle. Brenda pak ditëve, 41-vjeçari do të ekstradohet drejt Shqipërisë, ku do të vuajë dënimin për krimin e dyfishtë të kryer në bashkëpunim.
I akuzuar për zhdukjen e Renit të Elbasanit
I plagosuri, Indrit Shaqja po ashtu akuzohet edhe për zhdukjen e Renit të Elbasanit në vitin 2014.
Ka qenë nëna e Renit, Silvani ajo që ka akuzuar Indrit Shaqen, i cili ka qenë i fundit që është takuar me Renin, para se ai të zhdukej.
Gjatë një interviste të dhënë për “Panorama” në vitn 2015, nëna e Renit, Silvana, rrëfeu kalvarin e gjatë të vuajtjes së saj që nga zhdukja e djalit.
Discussion about this post