Përplasje e armatosur në Prishtinë, një viktimë dhe pesë të plagosur (Video)

Kohë leximi: 3 min

Një ka mbetur i vdekur dhe pesë të tjerë janë plagosur në një përleshje me armë zjarri në lagjen Aktash në Prishtinë.

Sipas informacioneve nga Qendra Klinike Universitare e Kosovës, nga Klinika Emergjente, tre prej të plagosurve janë në gjendje të rëndë.

Dyshohet se në konflikt janë përfshirë dy grupe derisa, sipas informacioneve, në konfliktin që ndodhi rreth orës 22:00 të natës së të dielës u përdorën edhe armë të gjata.

Të plagosurit janë identifikuar si shtetasit Salih Sekiraqa, Robert Llumnica, Korab Gashi, Fatos Abazi, Valdrin Ademi.

Burime nga Prokuroria kanë bërë me dije për media se personi që mbeti i vrarë, bazuar në informacionet që posedojnë është Premtim Gashi. Konfirmimi i identitetit nuk është bërë mbrëmë menjëherë në vendin e ngjarjes për shkak se i vrari nuk kishte dokumente identifikuese me vete.

Media raportoi se trupi i të vrarit mbeti mbi një kallashnikov, të cilin dyshohet se e posedonte viktima, i cili nuk arriti t’iu bëjë ballë plagëve.

I riu raportohet se kishte dalë pak ditë më parë nga burgu. Konflikti dyshohet se lidhet me problemet që familja e Sekiraqa ka pasur në vazhdimësi me familjen Capat në Prishtinë, të cilëve iu plagos një familjar para disa muajsh.

Gjithë konflikti dyshohet se lidhet me problemet që familja e Sekiraqës ka pasur në vazhdimësi me familjen Capat në Prishtinë, të cilëve iu plagos një familjar para disa muajsh.