Kryeministri Edi Rama ka reformuar Partinë Socialiste në Vlorë gjatë takimit me dyer të mbyllura, teksa ka kritikuar kryebashkiakun Ermal Dredha, drejtuesit e Partisë Socialiste, si edhe deputetët e këtij qarku. Ai ka ndryshuar bashkëkryetarët e Partisë Socialiste në Vlorë.
Degën e Partisë Socialiste Vlorë do ta drejtojë Klevis Kason dhe bashkëkryetare Erjona Ismaili, detyrë që nga koha e fushatës e ka mbajtur Pirro Vengu dhe Vilma Bello.
Ndër të tjera mësohet se ka kërkuar dorëheqjen edhe të një pjese të mirë të administratës së bashkisë së Vlorës. Ka kritikuar edhe deputetët e qarkut për punën e tyre të deritanishme që sipas tij lë për të dëshiruar. Në mbledhje ka përdorur shpesh edhe tonalitet të lartë duke kritikuar rëndë punën e thuajse të gjithëve në sallë.
Mbledhja e sotme me dyer të mbyllura e kryeministrit Edi Rama në Bashkinë e Vlorës u shoqërua me sherr dhe tensione.
Kryeministri ka fshikulluar Ermal Dredhën dhe punën e këtij të fundit Duke shfaqur një sërë pakënaqësish për punën e Bashkisë së Vlorës.
Thelbi i gjithë pakënaqësive tek menaxhimi i sezonit turistik, mungesat e ujit të pijshëm dhe ankesat e qytetarëve si për problematikat por edhe për ofrimin e shërbimit. Rama ka kërkuar dorëheqjen e një sërë drejtuesve të institucioneve në Vlorë të cilat sipas tij nuk janë efikas dhe nuk kanë kryer siç duhet detyrat.
Discussion about this post