Prej një ore Xhelal Mziu ndodhet në ambientet e SPAK. Ende nuk është bërë publike arsyeja e paraqitjes së tij në Prokurori, por mendohet se ai është thirrur për të dhënë deklarimet e tij, lidhur me kallëzimin e Rakip Sulit. Kryebashkiaku i Kamzës kallëzoi Mziun për shpërdorim detyre në kohën kur ky i fundit ishte në krye të bashkisë.
Në kallëzimin e tij Suli ka kallëzuar Mziun pasi dyshohet të ketë favorizuar subjekte private, që janë pajisur me leje zhvillimi dhe ndërtimi, duke mos i detyruar të kalojnë 3 përqind të sipërfaqes funksionale për banesa sociale në favor ta Bashkisë. Referuar ligjit të urbanistikës parashikon që leja me sipërfaqe 2000 m2, 3% ti kalojë bashkisë për banesa sociale.
Gjithsesi, mbetet të presim konfirmimin e Mziut në lidhje me këtë çështje dhe të japë më shumë detaje për dëshminë e tij në SPAK.
Discussion about this post