Gjatë “Për’puthen PRIME” të ditës së sotme, ka patur një përballje midis Albit dhe Alesjas. Ata kanë folur lidhur me krisjen e tyre të ndodhur pak kohë pas deklarimit të konkurrentit.
Gjatë bisedës, Albi u shpreh se marrëdhënia e tyre u zbeh që nga momenti që ai u deklarua se donte të dilte vetëm me të. Ndërkohë, nga ana tjetër, Alesja këmbënguli vazhdimisht se krisja e tyre ka ndodhur si rrjedhojë e reagimit të Albit, kur ajo zgjodhi të dalë në një takim me një tjetër konkurrent, Denzelin. Ajo tha se ishte pikërisht kjo gjë që e bëri Albin të ndryshojë totalisht sjellje.
“Jo mashtrime, mos gënje. Ti je larguar kur un zgjodha Denzelin. Unë e zgjodha Denzelin, ti u zhduke. Deklarata jote më ka vënë shumë në presion. Mund të them se 70% të njohjes sonë, ti e preve me deklaratën që bëre”, shtoi Alesja.
Këto fjalë e kanë bërë konkurrentin të vendosë ta tërheqë deklaratën e tij, duke i kërkuar të vazhdojë rrugëtimin e saj.
“Meqënëse deklarata ime të ka bërë të ndihesh në presion, të ka vënë në kaq shumë siklet, atëherë, unë e tërheq deklaratën. Vazhdo rrugëtimin tënd. Por, nëse unë tërheq deklaratën, unë nuk jam më në këtë karrige. Unë në këtë program, o dal vetëm, o me ty”, tha ai.
Discussion about this post