Pedagogia Ilirjana Kucana deklaroi sot gjatë një interviste televizive se, për shkak të vaksinimit të detyrueshëm për studentët, pritet që ata të dalin shumë shpejt në protesta akoma më të ashpra nga se kemi parë deri më tani.
Sipas saj, vendimi se çdo student duhet të vaksinohet për të marrë pjesë në auditor duhet të ishte parashtruar në një formë tjetër.
“Deklarata e kryeministrit është marrë si diçka politike dhe ka krijuar efektin e kundërt. Ndoshta duke ja lënë në dorë teknicienëve, përfaqësuesve të universiteteve që ta thonin në mënyrën e tyre më miqësore, duhej sjellë në mënyrë më të mirë, duhej sjellë në një mënyrë që të pranohej më shumë nga studentët”, tha Kucana.
Pedagogia shprehet se, nuk është vetëm vaksinimi çështja që po zgjon rebelimin e studentëve. Ajo tha se refuzimi i vitit shkollor nga studentët në protesta nuk do të jetë organizim i saji ama theksoi se do të jetë pjesë e zërit studentor.
