Persona të armatosur tentojnë të grabisin banesën në Lezhë/ Detajet

Dy persona të armatosur kanë tentuar të grabisin një banesë në Malecaj të Lezhës.

Nga raportimet mësohet se personat e armatosur kanë hyrë në banesën e familjes Buja. Ngjarja ka ndodhur rreth orës 02:00 të mëngjesit të sotëm, ndërsa brenda shtëpisë ishte vetëm kryefamiljari Nikoll Buja. Ky i fundit sapo ka dëgjuar zhurmën është zgjuar dhe ka konstatuar grabitësit.

Pasi hasën në rezistencen e kryefamiljarit, grabitësit janë përleshur me të, duke e goditur në pjesën e kokës, por kanë qëlluar dhe me armë zjarri, por fatmirësisht nuk pati persona të lënduar.

Një prej fqinjëve te familjes Buja rrëfen ngjarjen e cila sipas saj ka frikësuar të gjithë fshatin.

“Me dalë jashtë kishim frikë. Shtëpia ime është pak më andej, kam dalë në dritare kam dëgjuar. Krisi arma. Unë mendova se i ka zënë shtëpia, nuk na shkoi mendja mes katundit tw ndodh ajo gjw. E pashë dhe më tha që kam shpëtuar. Më tha që i kapa grykën e armës dhe e ngrita lart. Pastaj njëri më kapi me grushta nga turnjtë. E ka fytyrën zi. Jam shumë e frikësuar sepse ai që nuk dëshiron të punojë për një 10 mijë lekësh të merr shpirtin”, tha ajo.

Policia gjatë ditës së sotme ka marrë në pyetje kryefamiljarin i cili ja pohuar se nuk ka dijeni për personat të cilët tentuan t’i grabisnin banesën, ndërsa kërkon nga policia zbardhjen e kësaj ngjarje.

Policia ende nuk ka dhënë ende asnjë deklaratë zyrtare në lidhje ngjarjen apo autorët.