Punonjësit e Albcontrol nuk mësojnë dot anglishten?! Janë ndër më të paguarit në vendin tonë dhe madje, Albcontrol iu siguron edhe kushte të mira për avancimin e karrierës. Por, ata nuk mësokan si duhet! Kujtojmë se me 13 qershor 2022, shoqëria shtetërore që menaxhon hapësirën ajrore shqiptare hapi tenderin me objekt “trajnim /testim anglisht ATSEP /AIS”. Fondi limit i këtij tenderi është 16,666,666 lekë (pa TVSH).
Gjithë këto para për një trajnim ku do t’u mësonte punonjësve anglisht. Në dokumente theksohej se kohëzgjatja e kontratës/marrëveshjes kuadër ose afati për zbatimin e saj ishte 9 muaj. Ç’ka do të thotë se trajnimi pritej të mbaronte në shkurt të këtij viti. Por, mesa duket trajnuesit, të cilët po marrin paratë, kanë evidentuar se “nxënësit” e Albcontrol-it akoma nuk kanë nxënë nga anglishtja. Kështu, Albcontrol pa u mbyllur akoma trajnimi i parë, ka hapur tender për të nisur një tjetër trajnim dhe testim anglisht për punonjësit e saj. Bëhet fjalë për prokurimin me objekt të ngjashëm “Trajnim /testim anglisht ATSEP /AIS”. Drejtorja e Albcontrol Laureta Omeri do të shpenzojë rreth 170 milionë lekë.
Gara është hapur me datë 30 dhjetor 2022 dhe pritet që fituesi të shpallet me datë 16 janar.
Nga ajo ditë kompania fituese do xhirojë lekët në llogarinë e saj. Ndërsa punonjësit normalisht duhet të përfundojnë së pari, trajnimin nga tenderi i qershorit të vitit të kaluar.
Në dokumentet shoqëruese, të siguruara nga Gijotina.com, thuhet se “ALBCONTROL SH.A. kërkon kryerjen e kursit të gjuhës angleze të aviacionit për personelin ATSEP (Inxhiniero-teknik) në përputhje me standardet e vendosura nga ICAO dhe kërkesat lokale të përputhshmërisë”.
Sipas dokumenteve, kursi do të jetë 5 (pesë) ditë pune dhe test, e njëjtë për të gjithë kandidatët. “Kursi do të zhvillohet nё 2 grupe, me nga 12 dhe 13 ATSEP për grup, kurse Specialistët e AIS nё 2 grupe me nga 6 në grup dhe një grup me 7. Periudha e përshtatshme për zhvillimin e kursit është qershor – shtator. Orari i përshtatshëm për zhvillimin e kursit është 09:00 AM – 17:00 PM“, thuhet në këto dokumente.
Pra, dy herë trajnim nga 9 muaj. Shpresojmë që këtë herë personeli o Albcontrol “të mësojë” anglishten. Me kaq kaq para sa shpenzon drejtoresha Omeri për anglishten, do të ishte rritur performancën e kësaj shoqërie, e cila renditet e para mes shoqërive shtetërore për humbjet në bilancin e saj,
Lexo edhe: “AlbControl”, tender 160 mijë euro për t’iu mësuar anglishten punonjësve
Discussion about this post