Presidenti Ilir Meta ka kthyer për rishqyrtim në Kuvend ligjin për “Buxhetin 2022”. Meta ka argumentuar se buxheti i miratuar nga Kuvendi në tërësinë e tij është një plan anti-social, pasi mungon mbështetja për shtresat në nëvojë, për për kurimin ndaj infeksionit Covid-19, të cilët trajtohen në shtëpi dhe jashtë sistemit spitalor. Sipas Metës “Buxheti 2022” nuk suporton sektorët e ekonomisë dhe veçanërisht atë të bujqësisë, që ka qenë dhe një ndër pikat më të diskutuara gjatë seancës maratonë në parlament për miratimin e “Buxhetit 2022”.
Meta ka argumentuar gjithashtu se ka hasur mangësi shqetësuese të transparencës lidhur me shpenzimet dhe politikat fiskale. Ndërsa problem për Metën shfaqet dhe niveli i borxhit publik, ku ai thekson se nuk ka një plan të qartë lidhur me përdorimin e tij dhe efekteve që do të ketë në ekonomi.
Discussion about this post