Ndonëse nuk i ka zbuluar planet për mëmësi, Armina Mevlani diçka e ka të qartë: Kur të jetë shtatzënë do hajë dhe do e shijojë këtë periudhë duke mos u merakosur për peshën.
Në puntatën e fundit të “Goca dhe Gra”, blogerja dha një mesazh shumë të rëndësishëm duke inkurajuar të gjithë të shijojnë jetën pavarësisht peshës apo pamjes pas shtatzënisë, duke u shprehur:
“Kur të më keni mua unë do ha do e shijoj dhe do ushqej fëmijën se femra është e bukur sido të jetë. Sigurisht duhet të kujdesemi mos të hani gjëra të dëmshme për shëndetin, por 5 kile më shumë apo më pak nuk ka rëndësi fare”.
Gjithashtu, ajo lexoi një letër të dërguar nga një ndjekëse e emisionit ku ajo është bashkë-prezantuese. Ndjekësja kërkonte ndihmë se çfarë të bënte, pasi po planifikonte pushimet dhe kishte përplasje me bashkëshortin. Bashkëshorti mendonte që të të bënte pushimet me familjen dhe prindërit e tij, kurse gruaja nuk donte pasi vetëm një javë është leja e të dyve jo gjithë muajt e vitit. Ndër të tjera në letrën e shkruar, ndjekësja shprehte se ishte në dilemë dhe se pushime ishin kthyer në “hall” për të. Pasi lexoi, Armina bëri një koment papritur duke qeshur. “Këtë hall kemi edhe vetë”.
Megjithatë gjatë bisedës ajo tregoi se i ka kërkuar partnerit të saj, Shkëlzen Berishës, që t’i bëjnë pushimet së bashku me familjen e saj. E pyetur nga Fatma nëse pushimet do t’i bëjë vetëm me prindërit e saj, pra jo të parnterit, Armina tha: “Alternohemi.”
“Këtë vit unë kam qenë shumë e ngarkuar dhe ndryshe nga vitet e tjera i kam kërkuar partnerit tim që këtë vit të jenë edhe prindërit e mia. Nuk ka asnjë gjë të keqë që një vit ti bësh vetëm, një vit me familjen tënde, një vit me të burrit. Do alternohemi, e gjithmonë kështu e bëjmë.”
Blogerja është prej 9 vitesh tashmë në në lidhje me djalin e ish-kryeministrit Sali Berisha. Edhe pse është përfolur disa herë që çifti do shkonin drejt altarit, planet e tyre janë anuluar për shkak të pandemisë së COVID-19. Megjithatë ky vit do jetë deçiziv, nëse dasma do zhvillohet ajo. “Dasma që ka tre vjet që s’po e bëjmë nga pandemia. Në qoftë se nuk e bëj edhe këtë vit, nuk e bëj më.”
Discussion about this post