Një minë detare është gjetur mëngjesin e sotëm nga një peshkarexhë që po gjuante në gjirin e Vlorës. Mësohet se, anija “De Rada” ka gjetur një minë në det në afërsi të ishullit të Sazanit, teksa mendohet se i përket Luftës së dytë Botërore.
Menjëherë pas konstatimit janë njoftuar ekipet xheniere, të cilat bënë të mundur ngjitjen në peshkarexhë dhe nxjerrjen e saj në breg. Pritet që mina të shkatërrohet me shpërthim në mënyrë që të mos përbëjë rrezik për qytetarët.
