Skuadra e PSG-së pësoi një humbje të turpshme në fushën e Newcastle me rezultatin 4-1, në ndeshjen e dytë të fazës së grupeve në Champions League.
Trajneri Luis Enrique u shpreh i befasuar nga ky rezultat.
“Këto lloj ndeshjesh janë gjithnjë të vështira për trajnerët. Megjithatë, mendoj se djemtë u paraqitën mirë. Ishim të aftë të përballonim presionin e tyre, duke krijuar edhe rastin e parë për gol me Dembele”, tha Enrique.
“Ndershmërisht, mendoj se rezultati është i padrejtë edhe pse ata e merituan fitoren. I përgëzoj rivalët për fitoren, bënë një ndeshje të madhe. Gjithsesi, për mua rezultati është shumë i vështirë për t’u pranuar”, tha Enrique.
“Formacioni që hodha në fushë? Mendoj se ishte ai i duhuri për këtë ndeshjes dhe vazhdoj të mendoj në këtë mënyrë edhe tani”, u shpreh trajneri spanjoll.
Discussion about this post