Pësoi aksident, humb jetën futbollisti I Vllaznisë

Ermir Lera, 34-vjeç, futbollist I Vllaznisë Futsall, është ndarë nga jeta 10 ditë pasi pësoi një aksident.

Lajmi i rëndë ka tronditur sportdashësit në Shkodër, me sportistin që ka lënë hidhërim të madh te familjarët dhe miqtë.

Lera pësoi një aksident automobilistik dhe prej 10 ditësh ishte në reanimacion, duke luftuar për të qëndruar në jetë. Fatkeqësisht, futbollisti i sallave nuk ia ka dalë që të fitojë ndeshjen më të rëndësishme në jetë.

Veç lojës së futbollit, Ermir Lera ishte edhe mësues i edukimit fizik në një nga shkollat 9-vjeçare të qytetit të Shkodrës, ku prej kohësh mësonte të rinjtë për pasionin për sportin.

Tifozët shkodranë e mbajnë mend futbollistin Lera për lojën dhe golat e shënuar me ekipin e futsallës së Vllaznisë në sezonin e kaluar, teksa ishte ndër protagonistët kryesor të në shumë prej sukseseve të arritura.