Ish-presidenti amerikan Donald Trump kritikoi të mërkurën kryeministrin izraelit Benjamin Netanyahu për atë që ai e sheh si mungesë përgatitjeje për sulmin e Hamasit që vrau të paktën 1200 njerëz në territorin izraelit.
Duke folur në Fox News, kandidati kryesor për nominimin republikan përpara zgjedhjeve të 2024 tha se zoti Netanyahu kishte “pësuar një goditje shumë të keqe”.
“Ai nuk është përgatitur. Ai ishte i papërgatitur dhe Izraeli ishte i papërgatitur. Nën Trump, ata as nuk do të kishin nevojë të përgatiteshin”, shtoi ai.
Komentet e ish-presidentit vijnë pasi autoritetet izraelite janë ende duke mbledhur trupa nga viktimat e një prej sulmeve më të këqija të sponsorizuara nga shteti. Ushtria izraelite është përgjigjur duke nisur sulmet ajrore që kanë vrarë të paktën 1200 palestinezë në Rripin e Gazës dhe thuhet se po planifikon një operacion tokësor në Izrael.
Kundërshtari i zotit Trump në garën republikane, guvernatori i Floridës, Ron DeSandis, kritikoi ish-presidentin për komentet.
Është “absurde që dikush”, aq më tepër “dikush që ka kandiduar për president”, do të zgjidhte këtë moment të veçantë “për të sulmuar mikun dhe aleatin tonë, Izraelin”, komentoi guvernatori në faqet e rrjeteve sociale.
Trump dhe Netanyahu kishin një marrëdhënie të ngushtë gjatë mandatit të republikanit (2017-2021), por që atëherë janë shfaqur çarje mes tyre.
Trump iu kundërpërgjigj atyre komenteve mbrëmjen e djeshme, duke sulmuar masat e sigurisë të Izraelit dhe duke këmbëngulur se “disa gjëra kanë shkuar keq në javën e fundit”.
Discussion about this post