Ish-presidenti Bamir Topi ka komentuar sot peticionin e ngritur nga Berisha kundër ambasadores Yuri Kim. Përmes një interviste televizive ai ka kritikuar gjuhën me të cilën Berisha i drejtohet ambasadores kohët e fundit ka kritikuar. Ndërsa për peticionin Topi tha se peticioni nuk është vetëm një nismë qytetare, por një sulm nga konjutura politike në Shqipëri.
“Unë e konsideroj sulm, madje sulm në mes të ditës, lidhur ngushtë me një konjuturë specifike politike në Shqipëri. Përfaqësuesi i SHBA ka rëndësi të jashtëzakonshme. Jemi në kushtet jo vetëm të mungesës së kulturës politike, por edhe mungesës të një statusi fisnikërie që duhet ta ketë çdo shqiptar. Asnjëherë njerëzit normalë nuk e kanë vënë në dyshim që ambasadori i SHBA është i dërguari i presidentit amerikan”, tha ai.
Ish-presidenti u shpreh se ndonëse peticioni do të njolloset me turp, mbetet një sulm i paprecedentë dhe personal, pasi i duket si fletërrufetë në kohët e komunizmit.
“Unë e quaj një sulm të paprecedentë, më kujton vitet 60’-70’. Dikur ekspozimi kundër shfaqjeve të huaja bëhej në stendë dhe fletërrufe. Sot jemi në kohën e teknologjisë dhe bëhet online. Kjo do të vijë pa dyshim duke u sfumuar me turp. Njerëzit që po firmosin, janë të profilizuar”, u shpreh ish-presidenti Topi. Ndërsa shtoi se Berishës i ka mbaruar afati dhe nuk duhet të ndërhyjë më në politikë.
Discussion about this post