Ambasadorja e SHBA-së në Tiranë ka reaguar sot për një peticion të inicuar online ku i kërkohet ti përmbahet vetëm statusit të saj diplomatik.
Teksa moderatorja e ka pyetur nëse është e shqetësuar, Kimi është shprehur se njerëzit kanë të drejtë të shprehin mendimin e tyre, mirëpo ajo nuk ndodhet me pushime këtu.
“Njerëzit në demokraci kanë të drejtën të shprehin mendimet e tyre. Unë nuk veproj mbi baza personale. Nuk jam me pushime këtu. Unë flas në emër të SHBA. Sekretari i shtetit ka qenë i qartë lidhur me luftën kundër korrupsionit. Ndaj mos të gabojë kush se do të kërkojmë llogari atyre që janë përfshirë në korrupsion. Unë nuk e sajoj vetë objektivin e punës time. Kam udhëzime”, është shprehur ambasadorja amerikane.
Ndër të tjera ajo ka folur dhe për reformën në drejtësi për të cilën është shprehur se është rrugë shumë e vështirë, e cila do të ndihmonte në përshpejtimin e integrimit në BE.
Discussion about this post