Përmes një postimi në Facebook, nënkryetari i LSI-së, Petrit Vasili shkruan se shërbimet mjekësore janë të përjashtuar me ligj nga TVSH-ja, por qeveria ua paguan koncesionarëve.
Ai shkruan se vjedhja është kaq e trashe, sepse ndërkohë për Koncesionin e Dializës TVSH nuk paguhet sepse ai është shërbim mjekësor njëlloj si edhe Check Up dhe Sterilizimi.
“Pagesa e paligjshme e TVSH për Check Up dhe Sterilizimin dhe SPAK, që mbulon korrupsionin! Shërbimet mjekësore janë të përjashtuar me Ligj nga TVSH-ja. Skandali i denoncuar nga Kontrolli i Lartë i Shtetit ku qeveria në mënyrë të paligjshme i paguan TVSH koncesionarëve të CHECK UP dhe Sterilizimit është një vjedhje shumë e qartë sepse ato janë qartësisht shërbime mjekësore. Vjedhja është kaq e trashë, sepse ndërkohë për Koncesionin e Dializës TVSH nuk paguhet sepse ai është shërbim mjekësor njëlloj si edhe Check Up dhe Sterilizimi” – shkruan Vasili.
Më tej ai shton se çfarë pret SPAK-u që të veprojë dhe pse është shndërruar në një fortifikim për të garantuar pandëshkueshmërisë e qeverisë.
“Çfarë pret drejtësia, çfarë pret SPAK denoncimi është bërë nga institucioni kushtetues që ka autoritetin më të lartë që të kontrollojë financat publike. Çfarë dreq drejtësie e re është kjo. Edhe Drejtësia e ashtuquajtur e vjetër ka qenë një qind herë më reaguese se kjo. Drejtësia e Re nuk lëviz gishtin dhe është shndërruar qartazi në një fortifikate për të garantuar pandëshkueshmërinë e qeverisë.
Çfarë zhgënjimi i tmerrshëm për qindra mijëra qytetarë, viktima të propagandës rilindase, që ngritën iluzione të mëdha për Drejtësinë e re, që rezultoi një drejtësi e kapur dhe që funksionon me regjinë e rilindjes dhe Edi Ramës!” – shkruan Vasili.
Discussion about this post