Nënkryetari i LSI, Petrit Vasili, shprehet se deklarata e Ramës nuk tregon krizë eneregjitike por plaçkitje e re për qytetarët. Përmes një postimi në Facebook, ai sjellë në vëmendje se në fillim të viti kryeministri kishte deklaruar se jo vetëm që nuk do jemi në krizë për energji, por do kemi hapësira dhe të shesim energji. Duke e krahasuar këtë deklaratë të Ramës, me prononcimin e sotëm, Vasili e akuzon atë se po tallet dhe po vjedh hapur qytetarët.
“Nuk eshte Krize e re energjetike, por plaçkitje e re e qytetareve! Dje vetëm 24 ore me pare ne Abu Dabi Edi Rama s’foli as një fjale për krize energjitike, që po flet sot pas 24 orëve bile tha : “qe do te behemi eksportues neto te energjisë”. Rama në 15 prill 2021 deklaronte: “Ne s’do harxhojmë asnjë lek më për të blerë energji, por do të shesim energji. Kjo nuk është një ëndërr e parë në gjumë”. Nga sot në nesër papritmas dhe çuditërisht Edi Rama po na flet për “krizë apokaliptike” energjitike. Kjo do te thotë na mori lumi me keq seç na ka marrë”, shkruan ai.
Sipas Vasilit, këto janë skema që Rama me bashkëpunëtorët i tij i thurin për të mbuluar shkatërrimin që i kanë bërë arkës së shtetit, e cila është bosh sepse paratë i kanë marrë ta për hesap të vetë.
‘Duke parë deklaratat e mëparshme dhe “sukseset bubulluese” në energjitikën e Edi Ramës kjo krizë duket qartë qe është një stisje për një grabitje të re të xhepave te qytetareve e për te mbushur arkën e batërdisur te shtetit nga rilindja. Arka e shtetit e boshatisur dhe plaçkitur nga milionat e grabitura për zgjedhjet, koncesionet, borxhet ndaj kompanive arbitrazhet e humbura dhe borxhi publik real prej gati 100%, kërkon tani që të mbushet nga Rama.
Kjo nuk është krizë e re, por plaçkitje e re e qytetarëve”, tha ai.
Deklarata e kryeministrit solli shumë trazira ditën e sotme në politikë, por edhe mes qytetarëve, të cilët ndihen të frikësuar se çdo ndodh në të ardhmen me taksat që po rriten çdo vit e më shumë. Ndërsa ata janë shprehur se vetëm rritja e çmimit të bukës është e papërballueshme, nuk mund të llogariten pasojat që do të sjellë dhe rritja e çmimit të energjisë.
E.H/ gijotina.com/
