Lulzim Basha gjatë ditëve të fundit ka zhvilluar takime me të rinj dhe të reja në qytetet kryesore të vendit, nga ku ka shpalosur atë që e konsideron si platformën e tij.
Basha nuk i konsideron këto takime si një fushatë për t’u rikthyer në Krye të PD-së, edhe pse janë interpretuar mediatikisht si një lëvizje për të marrë drejtimin e asaj që njihet si PD e vulës.
Lidhur me lëvizjen e Bashës, ka reaguar deputeti socialist Petro Koçi, i cili nga studio e Euroneës Albania, tha se nuk mendon se kthimi i Lulzim Bashës mund të ketë një impakt politik.
Ai tha se në situatën në të cilën është grupi parlamentar i Partisë Demokratike, figura e Lulzim Bashës është më karizamtike, por gjithsesi sipas tij ai nuk premton dot fitore.
“Unë nuk besoj se kthimi i Bashës mund të ketë impakt në Partinë Demokratike. Me sa shikoj unë në grupin parlamentar është vështirë të gjesh një personalitet i cili mund të kthehet në një strumbullar ribashkimi të Partisë Demokratike.
Basha në krahasim me këta që janë mund të ishte një figurë më karizmatike, por për rrethanat që shoqëruan situatën dhe e detyruan atë të ikte mendoj se e ka të pamundur që të rikthehet.
Ai nuk është një personalitet që mund të pretendojë fitore”, tha Koçi.
Discussion about this post