Pas vendimit të Asamblenë e Përgjithshme të OKB-së për pezullimin e Rusisë nga Këshilli i të Drejtave të Njeriut, ka reaguar Kryeministri Edi Rama. Me anë të një postimi në Twitter, Rama shkruan se votat e shteteve, ku Shqipëria ka votuar pro pezullimit të Rusisë. Ai gjithashtu shprehet se bota nuk do ta tolerojë agresionin rus.
“Këshilli i të Drejtave të Njeriut promovon respektimin universal të të gjithë të drejtave dhe lirive themelore të njeriut, dhe adreson shkeljen e tyre. Lufta e Rusisë në Ukrainë dhe krimet e saj të tmerrshme janë kundër gjithë kësaj. Asambleja e Përgjithshme e OKB-së, tregoi sërish sot se bota nuk do ta tolerojë” – shkruan Rama.
Kujtojmë se Asambleja e Përgjithshme e Kombeve të Bashkuara ka votuar për të pezulluar Rusinë nga Këshilli i të Drejtave të Njeriut gjatë një takimi pak minuta më parë. Rezultati i votimit ishte: pro 93; kundër 24; abstenim 58.
Discussion about this post