Pezullohen nga detyra dy drejtuesit e komisariatit të Devollit

Pezullohen nga detyra dy drejtuesit e komisariatit të Devollit, konkretisht shefi i komisariatit Besim Palamani, dhe shefi i rendit Admir Belishta.

Sipas raportimeve mediatike, dy drejtuesit akuzohen për “shpërdorim detyre”. Ata kanë qenë në përgjim për më tepër se 3 muaj, dhe dyshohet se kanë lejuar prerjen e paligjshme të pyjeve si edhe transportimin e tyre nga disa shtetas.

Çështja po shqyrtohet në prokurorinë e rrethit gjyqësor Korçë për veprime të mëtejshme, në bashkëpunim me Agjencinë e Mbikëqyrjes Policore.