Transporti publik në Tiranë është pezulluar përkohësisht, pas bllokimit të rrugëve dhe akseve kryesore nga protestuesit, duke paralizuar lëvizjen në disa zona të kryeqytetit.
Kryetari i Shoqatës Kombëtare të Transportit Qytetas, Kostandin Foni, njofton se dëmet e shkaktuara deri më tani në flotën e transportit llogariten në rreth 2 milionë lekë.
Sipas tij, situata e krijuar dhe bllokimi i akseve rrugore e kanë bërë të pamundur vijimin normal të shërbimit, ndërsa pezullimi është vendosur edhe për të mbrojtur autobusët nga dëmtime të mëtejshme.
“Shërbimi do të qëndrojë i pezulluar deri në stabilizimin e situatës dhe krijimin e kushteve për qarkullim të sigurt.
Pezullimi i transportit publik pritet të ndikojë te qytetarët që përdorin çdo ditë autobusët për të lëvizur drejt punës, shkollave dhe shërbimeve të tjera në kryeqytet.
Rikthimi i shërbimit do të varet nga normalizimi i situatës në rrugët e Tiranës”, pohon Foni.
Discussion about this post